१) संबंधन के पुचछा ,आजकलोक हाल
गली-गली में देखो ,बिकण लागरो प्यार।
२) डॉक्टर,इंजीनियर बडून में ,ईज़ बाबू छन हड़बड़ान
बाद में चेल-चली नी पुछड़इ,यस छन ननकरनोक हाल।
३) डबल जस ले दूगण है जाओ ,ईज बाबू यस दिडी ज्ञान
औरि जे हाड कापड़ी यनर ,दीण में भल-भल जे संस्कार।
४ ) मेश आ मेश दिखड़ी ,यां बाटी वां ,वां बटी यां
तू मके खाले मैं तुके खुअल ,यस छन हालात।
५ ) सास ब्वारिन में रोज हुडे ,झाड़ कुटी छलझाड़
आदिम लिजी अडकसी हेगे ,मारोल कसि डाड।
६) चुल में खांड वाल बुड -बुडी ,है गईं ओरि एडवांस
ब्या -पार्टीन में मलमल हेबर ,चटपट खाड़ी भात।
७) नानतिन ले कसि पछिल रौल ,ऊ तो काटनी सबनेक कान
दूध -भात पट्ट छू यनेर लिजी ,चाउमीन बर्गर लिजी चूड़े लार।
८) संस्कार सब गाड़ बग गई ,छिनार जे बड़ रई रानी
आम आदिम किले दोष दिछा,जर-जोरू लिजी लड़नी सन्यासी।
९) फैशन में कसर नी रैण चै ,किटी लिजी हर बखत तैयार
खसम लिजी खांड बडून में ,शेड़िन के उड़े ओरि डाड।
No comments:
Post a Comment